- يا سايلني على هذا الزمان
يا سايلني على هذا الزمان
أرواح نعيد لك خبارو
بقى معايا في هذا المكان
تسمع على العالم بكمالو
نبداو بالوقت حيران
العام عاد كي الشهر في حالو
الشهر كي السمانة ثان
تحلف و تقول والو
ليام تمشي نيشان
و العبد يحسب شحال بقالو
الصيف ولى خريف برهان
حتى الشتا ما تطيح في
وقاتو
المسكين في هذا الوقت جيعان
و الجوع زاد في جيوباتو
تعاند معاه الشبعان بان
كلا حقو و زاد حق غيرو
في الرزق للجاه و السلطان
و الفقير ما بقى شي في جعباتو
الصحة ما بقات كيف زمان
حتى الشباب يعاني من كياتو
تبعوا الكفار في التختان
ما تفرق الراجل و المرى في مشياتو
طلعوا شعورهم كي الضربان
و عاندو النصارى في لبساتو
و دارو المنقوش كيف النسوان
و كل واحد عرى على زنودو
و يا سايلني على الجيران
حتى الخو عاد يحسب حسابو
دار الجنحين و طار ما بان
هجر الدار و بدى بخوتو
كثر عليه الرزق و بات شبعان
هما الجوع فيهم و هو نفض
جناحو
ما بقى الجار للجار حنان
غير الشر يطلع منيفو
و ياسايلني على الخير فان
مول الشر ولى بسعدو
و البخيل يطبل فالبيبان
و الناس تفرح بقدومو
و الكذاب عايش كي السلطان
في كل رحبا فارح بكذوبو
و الجايح عاد يحكم كي القبطان
و يقول أنا السبع في وسط بحورو
و الفرعون تفرعن في هذا الزمان
و هما ن شد حزام خيرو
و قوم لوط بينو البيان
حاضرين في كل مدونو
المرى فيها رجال شجعان
و الراجل عاد يخاف من خيالو
و يا سايلني على الحق وين بان
ندفن مع لجواد في زمانو
الدنيا اعطات بالظهر للقرآن
و صار كل واحد يفتي بكلامو
و يا ويح للي ما عندو صحاب حنان
يصاحبك على جال الدراهم إذا بانو
حمد ربنا
الملك الحنان
ما يبقى في الدنيا غير أعمالو
Aucun commentaire:
Enregistrer un commentaire